fbpx

購物車

0
凍肉|牛扒|和牛|氣炸鍋食品|無激素雞|免費送貨|街市佬|Marketloo|

牛扒除了煎之外 還有其他做法

牛扒 牛排

簡單快捷 生熟易控

煎牛扒 煎牛排

1. 煎牛扒

相信煎牛扒好多人都接觸過,唔會陌生,煎牛扒係煮牛扒當中最簡單嘅做法,最大嘅好處係塊牛扒響你面前,要控制生熟會比較容易。煎牛扒冇不二法則,因為唔同厚度嘅牛扒理論上都有唔同嘅料理方法,但記得煎之前一定要解凍,最簡單做法係用鹽同黑胡椒醃一下,可以每邊煎1分鐘,按個人喜好反覆煎到達你心目中嘅生熟程度,煎好待個5分鐘先切,再配牛扒汁或其他喜歡的醬汁。

事前準備 不可劃缺

焗牛扒 焗牛排

2. 焗牛扒

焗牛扒的話,可以令到牛扒慢慢均勻受熱,入面生熟程度會统一D。前期準備工夫較多,先用醃料塗抹均勻在兩塊牛排兩面, 醃約一小時。期間,可先處理蔬菜,焗盤底部舖上錫箔紙,可按個人喜好加入紅蘿蔔、洋蔥、西芹等,切成小塊,與蒜頭等一起拌勻混合香料、鹽、橄欖油等,放在焗盤底部,放進烤箱先烤8分鐘。之後燒熱隻鑊,用大火把牛扒每邊煎1分鐘,再把牛扒放進焗盤蔬菜面上,便可放入已預熱至180℃~220℃焗爐焗5分鐘。若家裏沒有平底鑊的話,可將烤焗時間增加5分鐘,之後閒置一旁,讓餘溫繼續烤牛扒回收肉汁。烤焗做法一般比較適合斧頭扒,因為較厚較大塊,比較難熟,煎嘅話廚房會怖滿彈油,斧頭扒做法相若,但煎嘅時間要3分鐘一邊,焗嘅時間要10分鐘。

成就解除 用微波爐

3. 微波牛扒

如果屋企冇平底鑊又冇焗爐,咁點算好?你仲可以用微波爐。牛扒先用肉錘錘鬆一下,用生抽醃15分鐘待用。盤內落油約2匙,微波高火2分鐘預熱,再放入醃好嘅牛扒,微波高火1分鐘,翻面,再加熱1分鐘(可根據個人喜愛嘅生熟程度而加減時間)。之後加入牛扒黑胡椒汁,再微波高火2分鐘。 根據這時間,牛扒一般落在7成熟左右。建議mon實佢避免全熟,口感差牛肉亦變老。街市佬建議盡量唔好用呢個方法,每個牌子嘅微波爐輸出功率唔一樣,牛肉嘅生熟程度好難控制,除非真係咩硬件都冇,或者你想挑戰自己,否則都係用平底鑊煎會最為簡單方便。

街市佬 Marketloo 牛扒目錄

Open chat